الرئيسية
أحدث الصور
من طرف الاهلية
ود الرضى
بسم الله ابتديت متل البق لاحت
فى الشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت
مالك يا زمان شبعتنا هولا
لبست الناس تيابا حاشا مى هولا
يات من تانى فى دماع ومبهولا
ولله راحت بقت البواجهولا
مالك يا زمان شبعتنا وح ووحيح
صح الدون كضب
كضب العوالى صحيح
يات من كان يجى جعلتو لى صليح
عقرب حز لى ويا نفس زين وملح
فى حوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير
تب الشباب ان بقا كواس
تب الصبى ان قطع المروة خلاص
تب الشايب ان بقى وسواس
تب الاقربين الاتفاتنو الامقاص
الخرطوم
مستر كيم التجاني حاج موسي
يا جمال النيل والخرطوم باليل
ياراضعة من نيلين حضنوك من ازمان
يا قبلة الزائرين يادرة السودان
ضمخ شذى الياسمين والورد والريحان
عشاق سمر باليل سحر جمال النيل
اجمل ليالي هنا لما القمر يظهر
والونسة تبقي غنا والغنوة تتنقل
وتفوت علي امدمان وهناك تكون اجمل
لوبس تطول ياليل وتزيد جمال النيل
دوزنه
محمد محمود الشيخ مدني
الالحان عثمان النو
لا تحلموا بعالم سعيد
فخلف كل قيصر يفوت قيصرا" جديد
وبعد كل ثائرا
" يموت أحزان بلا جدوى ودمعة سدا"
احتاج دوزنه وترا" جديدا"
لا يضيف إلي النشيد سوى النشاز
لغة تفتش عن ارض خصبة
شمسا تغير طعم فاكهة الشتاء
احتاج مفرزنا من الشعراء والجوعى
لنعلن سخطنا
او ننتهى منا بأغنية تذاع
بالشهداء والفقراء بطفلنا الأتي وكوم اللاجئين
للداعين في الصلوات هتفنا ما سمعتم
ثم هاترنا انصرفتم
يا بحر تجاوز في سكونه كل حد
يا بحر قم حرك تحرك أو فعد
نحو ابتدائك فالنهايات البعيدة لاتحد
الفظ جحيمك
او فقادر
ساحليك إلي الأبد
تابعو ما شئتموه أو طاوعوا من خفتمو
فالزاحفون إلي الفجيعة
انتمو فقط افهموا إن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم من رجال[/color]
مسدار ابوالسره لليانكي
محمد طه القدال
اماتي القبيل بي حنهن لجني
كرفه وقلده كيف
شوق اللبن رجني
حزنا جاني في ميع الصبا يلجنى
اطلع منى يا حزنا بقى مكجني
خليني ابدأ مسدارى
أودي قفاي لدارا بقت مي دارى
جيتا وجلدي بينو وبين عضاى الشحمة
إلا النار بقت قدامي
جلدي بينو بين عضاى المافى
الاترانى شوال الكبس نفيخ
جراريب الورم هندمي
في جلدى الورم قولني
ولا صحىالورم عضامى
سفريتك مي الفنيه
ميها الكانت محريه
خابراك عريف
ذم العربان ولا قيام الورديه
مالك تريان ومندي
كاسي الكتان والهندي
قولة ككيف ترجا البيشان
والغربه البذندى
برقا عبدللى المذني
ياطاش يا جاب المزني
فرق يالضيف
فعل الغضبان
أم فرفيرات الحزنى
وشن القعده يا ابو السره
في ضل العمارات ام كمرة بره
ضقنا الحنظل اليانكى
وبلعنا المره
كملت كوتة التمباك
صقعنا الجره
وكت اتقفلت شقيش
قبل بالمره
نرمى امرنا ليى لبلد المعاني
الحره
الشم خوخت بردا ليالي الحره
والبراق برق من منو جاب القره
شوف عيني
الصقير بجناحو كفت الفره
تلقاها ام خدود الليله مرقت بره
تقلى مديده الحلبه
التسمن ردفها
السمن المبستر يانكى
والويقود بعيرات الدخان
فى العين وفي الفشفاش
بسوى عمايلو
شن فايدة مديدة الحلبه
والويقود بشيلو اليانكى
يا ابو السرة قامت
من دخاخين العمي
تلمع وشيها
اليانكي مستنيها
كان اليانكي مستنيها
في مراية السجم في الليل
لقيتا متل فريخ الطير
مرق ود عينها من من ود عينو
رجافة المزمل حمى
جفلت منو وقعت عندى
صدرها يقلي يا ابو السره
شفت اليانكى في ود عينها
سقتها للبحر يمكن يغسل عينها من اليانكي
فتنا الحجره بالكته وغطسنا مسافه
تبقى قدر مسالك الريده
مالاقانا من يغبانا
في البحر الفدر تحتانى
ناس عارفها
ناس عارفاك
ناس عارفاني
ناديت القعوى
والبلطى وقرقور السمك
ودانى لى دابى الخشش
نادينا عمال الطمى
الصارقيل والقرموط وود المويه
فتنا عليها كانت نايمه
عجال البحر حرساها كانت نايمه
بين حجرين وضل ساسويه كانت نايمه
وعمال الطمى الصحونا
لمو حصى البحر قسموهو
يات من كات سبع مرات
دابي الخشه قال ادوها
في الجمرات تلات سبعات
قلنا ادوها
في الجمرات تلات سبعات
مسكنا دربنا
عمال الطمى الصحونا
خابرين الدروب
مرقوبنا في مشرع مسارب الضي
لقينا الدنيا تترجانا
قوقا القمرى خوى صقير عوى حدى
وعمال الطمى الصحونا
لمو علي البعرفو الصى
حصى القيزان ودابي الدارقه والسحليه
والناس التحت خابرين
عمايل اليانكي
مرة معونه للقاف
ومره دوانكى
شن معناها جيبها كان ملوه بوانكى
صوتها مكتم القرابين سيوف وسوانكي
قولن للاخلو ديارو
دمك فرهد فى نارو
غور في الارض
طارو صقرين ولاد الارض ماطارو
لحمى غطى بن عمى
شوصار حالو يا امى
منديل العرض
في بيت الدين
دمى ما يخلي دمى
امنا من دير ياسين
صرنا فى جزر التين
عم نسقى بعض
حب الزيتون
بدو يرجع للطين
صابرا فوق الدوريه صابرا تحت الدوريه
ياحال الضد
لحم الطفلين
نابت غصن الحرية
جذرى مو فى شاتيلا
ما قال حالو ياويلا
حنا فى الارض ارض فلسطين
يا امى هيلا هيلا هيلا
ويا امى هيلا هيلا هيلا
وهيلا يا ابو السرة كج العين
تخبرالشينه من الزين
تفرز الطارى من السارى
يا ابو السرة كج العين
ومدو صباعك السباب
قول للقافى هوى يا زول
هوى ياغافى يازول هوى
ارخى الغرده للعنافى
شد القمرى بالحوبابى
فى مسدارنا شلنا نهارنا
فى ايدينا من ساس البحر عقدين
مسكنا دربتا عمال الطمى الصحوها
خابرين الدروب
مرقوبنا فى مشرع مسارب الضى
لقينا الدنيا تترجانا
قوقا القمرى خوى صقير
وعوى حدى
وكنا جماعة
دابات الارض والسايمه
عوامة البحر والطير
وحتى الغيمه قصاصة الاتر
فوق راسنا شايفه الدرب
ضنيب اليانكى
قال القمرى للضليله خليك صاحيه
زوق اليانكى لايودرنا
قال الدابى
إن يغباها مابيغبانى
ولما الشم مودعه غاربه
وصت جملة الصقار عيونهم كاربه
ابقو الف بفوت للمتلكم ناهضين
وفوق ضيناب عريبا غادى
قال السحلى
لانغشاهم ديل عربان توابع اليانكى
خلوها العريب الغايبه
والسراف طبيقو معاهو
تيجان العروش
الخروع الهش العويش
النار تعلب
فوق عقال العرش
ولاخصانا يا ابو السره
بى هادى العروش الهربه
يا ابو السره لاعقال
مسكنا دربنا
عمال الطمى الصحونا
خابرين الدروب
مرقوبنا من وادى الضلمه الكان عقب
ولمينا في باقى الجمع قاصين
ضنيب اليانكى
سنور الغيب في الكنغو
وصبره من جنوب امريكا
من كلهارى ديبا ضارى
والتمساح وليد امزون
نمرا في النمور كمبودى
ام رخم الله مكسيكيه
لم لميمنا لم لميمنا
وشد شديدنا
والشمس البتوقد فوقنا
شدا شديدنا
لاتمثال مشيل روقنا
عالم حر بدوعل فوقنا
لى يوم سوقنا
نبزق فيهو
في ود عينو جر واسوقنا
ياشمسى طلى
طلى
شاورى ع بيتى دلى
كيال الكيل
ختيارى مات
ظلى عم يحرس ظلى
عادل ع خيى ميلى
خيى مايحمل شيلى
ما خف الشيل
ثانى المرات
ناطر رصاصى سيلى
عينى فى الفيل ما ضله
كنا ندرى ماضله
ياويل الويل
ياويل الويل
نرمى الجمرات
عد المستشهد كل[img]
[/img]
